Թվում է, թե Լինդսի Լոհանը պատրաստ չէ ուղղվելու: Դերասանուհուն հայտնաբերել են հյուրանոցում՝ ալկոհոլի ընկերակցությամբ: Ականատեսների վկայությամբ՝ աստղը բարում ալկոհոլով լցված բաժակներ էր դատարկում:
Իսկ բոլորովին վերջերս էլ նրան ճանապարհատրանսպորտային պատահարի մեղավոր էին ճանաչել ու դատապարտել էին վերականգնողական կենտրոնում 90 օրվա բուժման և 30 օրվա ուղղիչ աշխատանքների կատարման։ Ինչպես նաև՝ նա համաձայնել էր 18 ամիս այցելել հոգեբույժին։
Հյուրանոցում իր «քաջագործությունների» հերքման մասին հաղորդագրությունը Լինդսին միանգամից տեղադրել է Twitter-ում: «Ես համարում եմ մնացել երկար օրվանից հետո… ու սուշի եմ պատվիրել»,- գրել է նա:
Սակայն մամուլը վստահ է, որ Լինդսիի երեկոն այդքան էլ հանգիստ չի անցել, ինչպես նա է ասում: Քանի որ նրան տեսել են ոչ միայն հյուրանոցում, այլև գիշերային ակումբում, որտեղ նա կրկին ալկոհոլ էր պատվիրում ու զվարճանում:
Այդ ամենը Լինդսին կրկին հերքել է:
