Մերձավոր Արևելքի թագավորական ընտանիքների անհաշիվ հարստությունը արդեն վաղուց ընկալվում է որպես սովորական հասկացություն:
Նավթային շեյխերը հիանալի պալատներ, էքսկլյուզիվ սուպերմարկետներ և ոսկերչական զարդեր ունեն, որոնք հսկայական գումարներ արժեն: Ըստ ավանդույթի՝ արաբական աշխարհի կանայք մնում են իրենց ամուսինների ստվերում: Սակայն էմիր շեյխ Համադ բեն Խալիֆ ալ-Տանիի երեք կանանցից երկրորդը՝ Մոզա բինթ Նասեր ալ-Միսնեդը, կարողացել է կոտրել այդ կարծրատիպը: Նրա ճաշակն ու մուսուլմանական հագուստի և եվրոպական էլեգանտության համադրությունն անվիճելի են: Vanity Fair ամսագիրը բազմիցս նրան ընդգրկել է աշխարհի ամենալավ հագնված կանանց ցուցակում, որտեղ նա զիջել է միայն Կարլա Բրունիին:
Նա առաջիններից մեկն էր, ով հանրությանը ներկայացավ բաց դեմքով՝ դրանով խախտելով իսլամական օրենքներից մեկը:
Հասարակության մեջ նա ամեն անգամ հայտնվում էր իդեալական տեսքով: Նա ոչ միայն ընտրում է ամենաթանկարժեք բրենդները, այլև հիանալիորեն դրանք համադրում ֆիրմային չալմայի ու զարդերի հետ: Նրա սիրելի բրենդերն են՝ Yves Saint Laurent-ը, Balenciaga-ն, Сhanel-ը, Armani Privé-ն, Jean Paul Gaultier-ը, Dior-ը, Cartier-ը:
Նրա ամենահայտնի զարդերից մեկը Cartier-ի հսկայական չափերի վզնոցն է:
Քաթարի թագավորական ընտանիքի համար ոչ մի անհնարին բան չկա: Valentino նորաձևության տունը գնել են 857 մլն դոլարով: Եվ կարելի է չկասկածել, որ տունը շուտով կծաղկի, քանի որ նրա տիրուհին ճաշակի հիանալի զգացողություն ունի:
Շատերի համար աշխարհի ամենագեղեցիկ թագուհին Ռանիան է՝ Հորդանանի թագավոր Աբդալլա Երկրորդի կինը: 2003թ.-ին նա նույնիսկ դարձել էր էլեգանտության թագուհին՝ առաջ անցնելով հոլիվուդյան աստղեր Քեթրին Զետա Ջոնսին և Նիքոլ Քիդմանին:
Ռանիան առաջադեմ կնոջ խորհրդանիշ է: Նա աջակցում է իրավապաշտպան կազմակերպություններին ու պայքարում կանանց իրավունքների համար: Մոդելի գեղեցկություն ունեցող թագուհին չի թաքցնում իր գեղեցկությունը, ինչպես ընդունված է արաբական աշխարհում: Նրա հագուստներում համադրված են մուսուլմանական հագուստն ու եվրոպական ոճը: Ռանիան սիրում է Armani Privé-ի և լիբանանցի մոդելավորող Elie Saab հագուստները, իսկ Ջորջիո Արմանին մի անգամ ընդունել է, որ հենց Ռանիան է իր ներշնչանքի գլխավոր աղբյուրը:
Ինչպես ցանկացած արևելյան կին, այնպես էլ Ռանիան, սիրում է զարդեր: Իր պաշտոնական դիրքից ելնելով՝ նա հաճախ է պսակաթագով հանդես գալիս: Ամենահայտնին Հորդանանի թագուհի Ալիի ադամանդե թագն է, որը նա կրել է ամուսնու թագադրման օրը: Այն պատրաստվել է Cartier ոսկերչական տան կողմից:
Ռանիան ունի նաև մեկ այլ ադամանդե թագ, որը ոչ պակաս հետաքրքիր է, քան առաջինը: Այն զարդարված է զմրուխտներով և պատրաստվել է հատուկ նրա համար՝ Boucheron ոսկերչական տան կողմից:
Մեծ հաճույքով թագուհին է կրում իտալացի դիզայներ Fabio Salini-ի արտասովոր զարդերը: Fabio Salini-ի զարդերի արժեքը սկսվում է 1000 եվրոյից:
Բահրեյնի, Քուվեյթի և Սաուդյան Արաբիայի ղեկավարների կանայք հագուստի ընտրության հարցում հետևում են իսլամիստական ավանդույթներին: Սակայն Սաուդյան Արաբիայի թագուհի Ֆաթիմա Քուլսում Զոար Գոդաբարին կրում է թանկարժեք զարդերով զարդարված հիջաբ ու ամենագեղեցիկ կինն է համարվում «փակ» կանանց շրջանում:
Նույնիսկ այնպիսի պահպանողական երկիր, ինչպիսին է Սաուդյան Արաբիան, ունի իր չենթարկվող արքայադուստրը: Արքայադուստր Ամիրա Ալ-Թավիլը սաուդյան արքայազն Ալ-Վալիդ իբն Թալալի կինն է ու պայքարում է կանանց՝ ավտոմեքենա վարելու, կրթություն ստանալու և առանց բարեկամ-տղամարդու թույլտվության աշխատանքի ընդունվելու իրավունքի համար: Նա հրաժարվել է ավանդական իսլամական հագուստից ու գերադասում է եվրոպական ոճը: Նրա ամուսինը խոշոր ներդրող է ինֆորմացիոն ոլորտում, այդ թվում՝ նաև Twitter-ում: Նա բաժնետոմսեր ունի News Corp-ում, Apple-ում, Motorola-ում և այլ ընկերություններում: Արքայազնը արդեն վաղուց ձեռք է բերել սաուդյան արքայական տան ամենաառաջադեմ ներկայացուցչի համբավ: Բացի այդ, նա 26-րդ հորիզոնականն է զբաղեցնում աշխարհի ամենահարուստ մարդկանց ցուցակում՝ իր 19.6 մլրդ դոլար կարողությամբ:
Արքայադուստրը բարձր է գնահատում Cartier, Van Cleef & Arpels, Damiani ոսկերչական տները, ինչպես նաև Avakian-ն, որի զարդերի արժեքը սկսվում է 2000 դոլարից և հասնում է մինչև մի քանի միլիոնի:
