Հարավային Կորեայի ԶՈւ շտաբերի պետերի կոմիտեի ղեկավար, գեներալ Չոն Սի Չոն և այդ երկրում ամերիկյան զորքերի հրամանատար Ջեյսմ Թուրմանը ստորագրել են սադրանքների դեմ պայքարի ծրագիր: Այս մասին հայտնում է ITAR-TASS-ը՝ հղում անելով Հարավային Կորեայում ԱՄՆ ԶՈւ հրամանատարության մամլո հաղորդագրությանը:
Դրանում նշվում է, որ ծրագրի մշակումը սկսվել է փոխադարձ պայմանավորվածությունների հիման վրա, որոնք կողմերի ներկայացուցիչների միջև ձեռք են բերվել 2010 թվականի նոյեմբերին Հյուսիսային Կորեայի կողմից Յոնպհյոնդո կղզու հրետակոծումից հետո: Հիշեցնենք, որ միջադեպի հետևանքով զոհվել էր երկու խաղաղ բնակիչ և երկու ծովահետևակային: Դա առաջին հարձակումն էր 1950-53 թթ. Կորեական պատերազմնից հետո:
Նշվում է, որ այդ փաստաթղթով դաշնակիցները բարձրացրել են մարտական պատրաստվածության աստիճանը՝ Հյուսիսային Կորեայի կողմից ցանկացած սադրանքի անհապաղ և վճռական արձագանքելու համար:
Նշենք, որ իրադրությունը Կորեական թերակղզում սրվել է փետրվարի 12-ին Հյուսիսային Կորեայի կողմից երրորդ ստորգետնյա միջուկային փորձարկումից հետո:
