ԱՄՆ-ի սենատը շաբաթ օրն ընդունել է բյուջի ծրագիրը, որը նախատեսում է մեկ տրիլիոն դոլարով ավելացնել ապահոված քաղաքացիների հարկերը: Այս մասի գրում է Reuters գործակալությունը:
Դեմոկրատների կողմից առաջարկված բյուջեի ծրագիրն անցել է, քանի որ Կոնգրեսի վերին պալատում նրանք մեծամասնություն են կազմում: Այժմ դեմոկրատներն ապրիլին պետք է բանակցություններ անցկացնեն հանրապետականների կողմից վերահսկվող Ներկայացուցիչների պալատի հետ: Նրանց հակաճգնաժամային ծրագիրը կտրականապես տարբերվում է դեմոկրատների ծրագրից:
Հանրապետականների ծրագիրը դաշնային ծրագրերի հաշվին բյուջետային ծախսերի կրճատում է ենթադրում: Դրա հաշվին նրանք ծրագրում են 2023 թ. հաղթահարել բյուջեի պակասորդը:
Իսկ դեմոկրատների ծրագիրն, ընդհակառակը, կապված է 100 միլիարդ դոլարով տնտեսության խթանման և ապահոված քաղաքացիների նկատմամբ հարկերի բարձրացման հետ, որի հաշվին սենատը ծրագրում է հաջորդ տասը տարիներին 975 միլիարդ դոլար ստանալ: Նույնիսկ այս դեպքում 2023 թ. բյուջեի պակասորդը 566 միլիարդ դոլար կկազմի, իսկ պետական պարտքը՝ 5,2 տրիլիոն դոլար:
Հանրապետականները նշում են, որ Սենատի կողմից առաջարկված հակաճգնաժամային ծրագիրը չի հաղթահարում բյուջեի պակասորդն այն դեպքում, երբ իրենց ծրագիրն ավելի արդյունավետ է: Դեմոկրատներն էլ պնդում են, որ պետության առաջնային խնդիրը տնտեսության խթանումն ու աշխատատեղերի ստեղծումն է:
Եթե Սենատին հաջողվի Ներկայացուցիչների պալատի հետ համաձայնեցնել բյուջեի ծրագիրը, ապա Կոնգրեսի հանձնաժողովները կսկսեն այն իրականացնելու մեթոդներ մշակել: Բանակցությունների տապալման դեպքում, որի հավանականությունը The New York Times-ը շատ բաձր է գնահատում, Կոնգերսը ստիպված կլինի սնանկացումից խուսափելու նպատակով ամռանը կրկին բարձրացնել պետական պարտքի թույլատրելի սահմանը:
