Եգիպտոսի նախագահ Աբդել Ֆաթահ աս-Սիսին արդեն այս տարվա հոկտեմբերին հանդիսավորությամբ առաջին քարը կդնի երկրի հյուսիսային Ադ-Դաբաա շրջանում ապագա ատոմակայանի հիմքում: Այս մասին «Ալ-Արաբիա» արբանյակային հեռուստաալիքի կայքին հայտնել է Մարսա Մաթրուհ նահանգի ղեկավար գեներալ Ալյա Աբու Զեյդը:
Նա նաև նշել է, որ նահանգում սեպտեմբերի սկզբին սպասում են 40 ռուս մասնագետների՝ շինարարական օբյեկտ ժամանմանը, որոնք կվերահսկեն կայանի շինարարությունը: Առայժմ Եգիպտոսի զինվորական շինարարները ենթակառուցվածք են պատրաստում շինարարության համար:
Այս տարվա փետրվարին Մոսկվան և Կահիրեն համաձայնագիր են ստորագրել Եգիպտոսի տարածքում այդ երկրի պատմության մեջ առաջին ԱԷԿ-ի կառուցման նախագծի զարգացման վերաբերյալ:
Ռուս մասնագետները պատրաստ են եգիպտական Դաբաայում կառուցել ժամանակակից, հետֆուկուսիմյան անվտանգության պահանջներին համապատասխանող ԱԷԿ 4 բլոկով՝ յուրաքանչյուրը 1200 ՄՎտ: Ռուսաստանը պատրաստ է ոչ միայն կառուցել ԱԷԿ-ը, այլև մատակարարել վառելիք, մշակել նորմատիվային բազա, ուսուցանել մասնագետների:
