Ինձ պետք չէ նախագահություն, ինձ պետք է ժողովրդի հաղթանակը, հարստությունը: Ազատության հրապարակում հանրահավաքն այս կերպ ամփոփեց պաշտոնական տվյալներով երկրորդ տեղը զբաղեցրած նախագահի նախկին թեկնածու Րաֆֆի Հովհաննիսյանը.«Ամբողջ աշխարհը պետք է տեսնի համաքաղաքացիական պայքարը, ով դեմ կանգնեց հայ ժողովրդի իրավունքին՝ ինքը մեղսակից է լինելու և պետք է զղջա, որովհետև այս մեր պայքարը տանելու ենք դեպի հաղթանակ՝ անտարակույս: Հանրային խորհրդում կատարվում են առաջարկմներ, ես ընդունում եմ Մանուչարյանի ելույթը, որպես առաջարկ և ոչ վերջին ճշմարտությու: Դա կորոշենք միասին այս հրապարակում: Սուրեն Սարգսյանից շնորհակալություն, մեկ ուրիշ որոշում պետք է անենք միասին, բայց ոչ այսօր: Կտեսնենք, որ ազգային ծրագրի մեջ ենք: Ովքեր խոսում են անծրագիր մոտեցման մասին, ապա ասում ենք, որ միանան»:
Նա հավելեց, որ քաղաքապետարանն ի գիտություն է ընդունել Նիկոլ Փաշինյանի կողմից ապրիլի 9-ին իրազեկված հավաք կազմակերպելը.«Դա նշանակում է, որ առաջիկայում՝ ելնելով մեր խորհրդից մեր միասնությունից որակի և քանակի աճող հաճախանակությունից և այդ խաչմերուկից պետք է տաս օր անց որոշենք, թե որտեղ ենք անելու, երկուսն էլ հարազատ հրապարակներ են, միասին պետք է որոշենք: Հաջորդ հաղթահավաքին ես հանդես կգամ հատոիկ հայտարարությամբ, ապագա ճանապարհային քարտեզը կկայանա մարտի 29-ին ժամը 18.00-ին: Ես չեմ խնդրում, որ ներկա լինեն՝ գյուղը և քաղաքն իր կամքով ներկա է լինելու, որովհետև սա հայ ժողովրդի հաղթական երթն է դեպի ճշմարտություն և իրավունք: Ուրբաթ օրվա հավաքը լինելու է հանգրվանային»:
«Ժառանգության» առաջնորդը նշեց, որ վաղը հայտնի արվեստագետ Վլադիմիր Հակոբյանը ժամը 16-17-ին իր արվեստը կցուցադրի: Վաղը ռոք չի լիենլու, լինելու են երկու հրաշալի համույթներ: Իր «Բարև» երգով կդիմի վաղը Արթուր Իսպիրյանը: Կիրակի օրվանիցմինչև հինգշաբթի կվերսկսենք քաղաքացիական բաց խորհրդի շարանը: Կիրակի ժամը 17-ին Արկադի Վարդանյան, Վարդան Խաչատրյան, իսկ երկուշաբթի օրը՝ Ստյոպա Սաֆարյան, Վարդան Հակոբյան: Մնացած օրերի մասին հաջորդիվ:
«Կարևորն այն է, որ յուրաքանչյուրը պետք է մեկ կաթիլ զոհողություն անի և պայքարն իրենով անի և մենք հասնենք ծովին կապուտակ: Կիրակի ծաղկազարդ է, դիմում եմ, որպես քաղաքացի որպես մայր եկեղեցու զավակ. նրանք, ովքեր ցանկանում են Ծաղկազարդից մինչև Սուրբ Զատիկ ծոմ պահել հավատքի, հայրենիքի համար կարող են միանալ նաև իմ ծոմին: Կիրակիից կիրակի ես ծոմ եմ պահում»:
Րաֆֆի Հովհաննիսյանը հորդորեց տալ մեր ապագան, մեր սրբությունը:
