Ապրիլի 19-ին՝ժամը 12.10-ին, ահազանգ է ստացվել, որ տեղացած հորդառատ անձրևի հետևանքով Լոռու մարզի Նոր Խաչակապ գյուղում Փամբակ գետի ջրի մակարդակը բարձրացել է, ինչի պատճառով քանդվել է գյուղի կամրջի տակ` ափապաշտման պատնեշը, որը կարող է պատճառ դառնալ կամրջի հիմնական փլուզման:
Դեպքի վայր է մեկնել մարզային փրկարական վարչության օպերատիվ խումբը:
Պարզվել է, որ բետոնե կամրջի (36մ երկարությամբ և 8մ լայնությամբ) տակ գտնվող ափապաշտպան պատնեշը գետի վարարման հետևանքով խարխլվել է և հետագա վերականգնողական աշխատանքներ չկատարելու դեպքում կամրջի փլուզման վտանգ կարող է առաջանալ:
Ահազանգ է ստացվել նաև, որ դեպի Ղուրսալ գյուղ տանող բետոնե կամրջի (46մ երկարությամբ և 9մ լայնությամբ) հենասյուների հիմքերի պաշտպանիչ բետոնե խորանարդները գետի վարարման հետևանքով տեղաշարժվել են և հետագա վերականգնողական աշխատանքներ չկատարելու դեպքում կարող է ստեղծվել վթարային իրավիճակ:
Ստացված տեղեկատվության համաձայն, ձնհալի և հորդառատ անձրևի հետևանքով առաջացած վարարումները եվ սելավաջրերը վնաս են պատճառել նաեվ Վանաձոր քաղաքում, Շիրակի մարզի Կամո գյուղում:
Ստեղծված իրավիճակը հաղթահարելու համար ձեռնարկվել են համապատասխան միջոցառումներ:
