Վրաստանի պաշտպանության նախարար Իրակլի Ալասանիան հայտարարել է արագ արձագանքման մոբիլ զինված ուժեր ստեղծելու անհրաժեշտության մասին: Ինչպես հաղորդում է «Գրուզիա Օնլայն»-ը, այս մասին նախարարը հայտարարել է Վրաստանի խորհրդարանի պաշտպանության և անվտանգության կոմիտեի նիստին:
Ալասանիայի խոսքով` խորհրդարանին արդեն ներկայացվել է օրինագիծ, որը նախատեսում է պարտադիր զինվորական ծառայության ժամկետը կրճատել մինչև 12 ամիս: Նա նաև նշել է, որ 2016թ. վերջից նախատեսվում է ամբողջությամբ անցում կատարել պայմանագրային զինվորական ծառայությանը:
Ալասանիան նշել է, որ հատուկ ուշադրություն է դարձվելու հատուկ նշանակության ուժերի զարգացման հնարավորությանը, արդյունավետ պահուստայինի ձևավորմանը, մոբլիզիացիոն համակարգին:
«Տվյալ փուլում, կարծում ենք, կլինի երեք տեսակի պահուստ` մարտական, օպերատիվ պահուստ, տարածքային պահուստ և քաղաքացիական պահուստ»,- ասել է Ալասանիան:
