Իռլանդիայի մայրաքաղաքը Եվրոպայի ամենաշահավետ ուղղությունն է մշակույթը գնահատողների համար։ Ավանդաբար Եվրոպայի ոչ թանկ ուղղություններ են համարվում Պրահան, Բուդապեշտն ու Վարշավան։ Սակայն վերջին հետազոտությունը ցույց է տվել, որ իռլանդական մայրաքաղաքում գեղեցիկին առնչվելն ավելի մատչելի է՝ հայտնում է Daily Mail-ը։
Լոնդոնը հակառակը՝ ամենաթանկ ուղղությունն է։ Թանգարանների, ցուցահանդեսների և մշակութային այլ հաստատությունների այցելություններն այնտեղ կարժենան քառակի թանկ, քան Դուբլինում։
Post Office Travel Money պորտալը համեմատել է Եվրոպայի տարբեր քաղաքներում մշակութային 6 հաստատությունների այցելության արժեքը։
Դուբլինում դա կարժենա 105 եվրո. ցուցանիշն անցած տարվա համեմատ իջել է 25 տոկոսով։ Լոնդոնը 17 մայրաքաղաքների ցուցակի վերջում է՝ 396 եվրո ցուցանիշով։ Անցած տարվա համեմատ գինը բարձրացել է 12.5 տոկոսով։ Փարիզի ցուցանիշն այդ վարկանիշում հավասար է 341.1 եվրոյի։
