Այսօր Երևանում անցկացվեց «Եվրասիական տնտեսական միության միասնական շուկա․ նոր հնարավորություններ ու հեռանկարներ» թեմայով կլոր սեղանը: Քննարկմանը ներկա գործարարները, հասարակական կազմակերպությունների ներկայացուցիչները, միանշանակ, գոհ չէին Եվրասիական տնտեսական միության աշխատանքներից, մանավանդ «միասնական շուկա» կոչվածից:
«Առաջին լրատվական»-ի հետ զրույցում Սպառողների աջակցման կենտրոնի նախագահ, «Արմբրենդ» ազգային գործընկերային համակարգի նախաձեռնող Աշոտ Միրզոյանն ասաց, թե Հայաստանը Եվրասիական տնտեսական միության մեջ «քյասիբ բարեկամի դերում է», և շատ որոշումներ ընդունելիս Հայաստանի կարծիքն առհասարակ հաշվի չի առնվում:
«Հարցեր կան, որ քննակվում են, իսկ մենք դրանից տեղյակ չենք: Մենք շատ ակտիվ ենք այդ դաշտում, բոլոր քննարկումներին մասնակցում ենք, բայց ընդունվում են որոշումներ՝ առանց մեր կարծիքը հաշվի առնելու»,- նկատեց մեր զրուցակիցը:
Հարցազրույցն ամբողջությամբ՝ մեր տեսանյութում:
