ԱԺ ՀՀԿ խմբակցության պատգամավոր Ռաֆիկ Գրիգորյանը չի կարևորում Վրաստանի խորհրդարանի որոշումը: Հիշեցնենք, որ ՎՀ խորհրդարանը չեղյալ է հայտարարել 2006-ին Ռուսաստանի հետ կնքած համաձայնագիրը, որով կարգավորվում էր արտերկրում գտնվող ռուսաստանյան ռազմակայանների անձնակազմի և ռազմական բեռների` Վրաստանի տարածքով փոխադրումը:
«Արդեն իսկ ռուս-վրացական պատերազմից հետո այդ պայմանագիրը, ըստ էության, դադարել էր գործելուց: Ես չեմ կարևորում Վրաստանի որոշումը, քանի որ այն որևէ կերպ չի անդրադառնա Հայաստանի հետ հարաբերությունների վրա»,- նշեց նա: Ռաֆիկ Գրիգորյանի կարծիքով, Վրաստանը չի կարող խոչընդոտ հանդիսանալ ՌԴ-ից ՀՀ զենք բերելու հարցում: «Ոչ մի խոչընդոտ չի կարող դառնալ մեզ համար, որովհետև կան պարտավորություններ, և դրա վառ վկայությունն են մեր հարաբերությունները Վրաստանի և ՌԴ-ի հետ»,- նշեց Ռաֆիկ Գրիգորյանը: