Տարածաշրջանային հետազոտությունների կենտրոնի տնօրեն, քաղաքագետ Ռիչարդ Կիրակոսյանը Facebook-ի իր էջում գրել է․
«Հաճախ հնարավորություն չեմ ունենում պաշտպանելու և հրապարակայնորեն գովելու Հայաստանի խորհրդարանի խոսնակ Գալուստ Սահակյանին, սակայն այս դեպքում ես գովաբանում եմ նրան մոսկվաբնակ ակտիվիստ Անդրանիկ Նիկողոսյանի վերջին արտահայտություններին ընդդիմախոսելու համար, որն անցած շաբաթ հարցազրույցում պնդում էր, որ հայերը ճնշող մեծամասնությամբ կողմ կքվեարկեն, նրա խոսքով՝ մոտ ապագայում տեղի ունենալիք հանրաքվեում իրենց երկրի՝ Ռուսաստանի կազմում ներառվելուն։
Միևնույն ժամանակ խորհրդարանական Էդմոն Մարուքյանն այլոց թվում նույնպես արժանի է գովասանքի՝ երկու տարի առաջ Ազգային ժողովի նախկին խոսնակ Հովիկ Աբրահամյանի կողմից Նիկողոսյանին շնորհված պետական մրցանակները հետ վերցնելու կոչի համար։
Էդմոն Մարուքյանն այնուհետև միանգամայն իրավացիորեն հավելել է, որ «ցանկացած հարձակում մեր անկախության, ինքնիշխանության ու տարածքային ամբողջականության վրա պետք է դատապարտվի, ներառյալ իրավական ընթացակարգերի ճանապարհով»։
Որպես հիշեցում նշենք, որ 40-ամյա Նիկողոսյանն անուն է ձեռք բերել 2008-ին Հայաստանի և Ռուսաստանի միջև սերտ կապեր խթանող եիտասարդական կազմակերպության հիմնադրումից հետո։ 2010-ին նա իր գործունեության համար Ռուսաստանի նախագահ Դմիտի Մեդվեդևի կողմից արժանացել է Բարեկամության ռուսական շքանշանի։ Նիկողոսյանը Մոսկվայում է ապրում 2012-ին նախկին խորհրդային պետությունների երիտասարդներին միավորող կրեմլամետ խմբի նախագահ դառնալուց ի վեր։
Բոլորովին վերջերս նա առերեսվեց ռուս կնոջ վրա հարձակվելու և բռնաբարության փորձի մեղադրանքներով»։
