Զբոսաշրջությունը Հարավային Եվրոպայի երկրներում, ինչպիսիք են՝ Իսպանիան և Իտալիան, կլիմայի փոփոխությունների պատճառով կարող է սպառնալիքի տակ հայտնվել: Այս մասին ասվում է ԵՄ-ի զեկույցում՝ գրում է Independent-ը:
«Ժամանակը չի սպասում: Եվրոպայում կլիմայի փոփոխության հանդեպ պահանջարկի հարմարեցում» հետազոտությունում ասվում է, որ կլիմայական փոփոխությունները կարող են հարավային արևոտ ուղղությունները պակաս գրավիչ դարձնել:
Ավելի շոգ և չոր ամառը՝ ինչպես Բուլղարիայում և Իսպանիայում, կարող են հանգեցնել երաշտի, անտառային հրդեհների և որոշ վայրի կենդանիների ոչնչացման ավելի բարձր տեմպերի: Բացի այդ, նման ջերմաստիճանը պակաս հարմարավետ է դարձնում ամռանը միջերկրածովյան երկրներ այցելելը:
Այդ գործոնները կարող են նման երկրները պակաս գայթակղիչ դարձնել զբոսաշրջիկների համար, այնինչ ավելի հյուսիս գտնվող երկրները, որտեղ ամառն ավելի մեղմ է, կդառնան զբոսաշրջության կենտրոններ: Մասնավորապես՝ այս առումով վերելք է սպասվում Լատվիային, Էստոնիային, Սլովենիային, Սլովակիային:
