Արքայազն Ջորջին նկարահանել փորձող պապարացիների կողմից հետապնդումների և անհանգստացնող գործողությունների քանակը վերջին ամիսներին աճել է, իսկ պապարացիների գործելաոճը գնալով ավելի վտանգավոր է դառնում ՝ հայտնում է Քենսինգթոնյան պալատը։
«Նրանք սահմանն անցել են»,- ասվում է բրիտանական ԶԼՄ-ները վերահսկող մարմիններին ուղղված բաց նամակում։
Քեմբրիջի դուքսն ու դքսուհին ուրախ են կիսելու իրենց երեխաների նկարները, սակայն ցանկանում են արքայազնին և արքայադստերը պաշտպանել հետապնդումերից։
Խոսքը մասնավորապես փոքրաթիվ պարբերականների մասին է, հիմնականում Գերմանիայում, Ֆրանսիայում, Ավստրալիայում, Նոր Զելանդիայում և ԱՄՆ-ում, որոնք հրապարակում են «անթույլատրելի հանգամանքներում արված լուսանկարներ։
Քենսինգթոնյան պալատը հույս ունի կանխել առանց թույլտվության հետագա հրապարակումները։
