70 տարի հետո Գերմանիայի բնակչուհի Մարգոթ Բախմանը հանդիպել է իր մորը, որից իրեն բաժանել են ազգայնական սոցիալիստները: Գերմանական Բադ-Արոլզենեում Հետախուզման միջազգային ծառայությունը հայտնել է, որ իտալուհի Ջաննան Երկրորդ համաշխարհային պատերազմի ժամանակ ուղարկվել է Գերմանիա, որտեղ ծանոթացել է գերմանացի զինվորի հետ, որից 1944թ. աղջիկ է ունեցել: Այս մասին հայտնում է TASS-ը:
Երեխայի ծնվելուց անմիջապես հետո ազգայնական սոցիալիստները նրան զրկել են ծնողական իրավունքներից: Իտալուհին վերադարձել է հայրենիք և ապրել՝ ենթադրելով, որ իր աղջիկը պատերազմի վերջում մահացել է: Մարգոթը սկզբում մեծացել է մանկատանը, հետո իր հոր ընտանիքում և տասնամյակներ անց փնտրել է մորը: Հետախուզման միջազգային ծառայության միջոցով նա իր մորը գտել է Իտալիայի հյուսիսային փոքրիկ Նովելլարա քաղաքում:
Նրա մայրը հանդիպման ժամանակ լաց չի եղել: «Ես արդեն չափազանց շատ արցունք եմ թափել»,- ասել է 91-ամյա Ջաննան: «Նացիստներն ինձ ասացին, որ նա (աղջիկը) սպանվել է»,- ասել է կինը:
