Դևիդ Բեքհեմը վերաքննիչ դատարանում տանուլ է տվել ամերիկյան պարբերականի դեմ դատը։ Լրատվամիջոցը հաղորդել էր, որ նա մարմնավաճառի հետ է քնել: Բոսնիայի քաղաքացի Իրմա Նիսին պնդել է, որ Լոնդոնյան հյուրանոցում սեռական հարաբերություններ է ունեցել ֆուտբոլիս Դևիդ Բեքհեմի հետ: Սակայն վերջինս հայտարարել է, որ երբեք չի եղել այդ հյուրանոցում, նշված ժամանակ ինքն այցելել է հորը, ով սրտի կաթված է տարել, իսկ այդ տիկնոջ հետ ոչ մի կապ չունի:
Այժմ աստղը դատարան հայց է ներկայացրել ընդդեմ այն ամսագրի, որը հրապարակել է իրեն վարկաբեկող հոդվածը: Նա պահանջել է իրեն փոխհատուցել 25 մլն դոլար: Բեքհեմի դատապաշտպանները հայտարարել են, որ ամսագիրը ոչ մի ապացույց չունի, բացի նշված տիկնոջ հայտարարություններից: Ինչևէ, դատարանում Բեքհեմն առաջին անգամ պարտվել է, և այս շաբաթ դիմել է Լոս-Անջելեսի վերաքննիչ դատարան:
Բեքհեմի ներկայացուցիչն իր հարցազրույցում տեղեկացրել է, որ դատարանն Իրմայի պատմությունը կեղծ է ճանաչել և ամսագիրն էլ չի հերքում, որ տեղեկությունները հորինված են եղել: Սակայն նման գումար ընկերությունը Բեքհեմին վճարել չի կամենում: Բեքհեմը շարունակելու է պահանջել, որ պարբերականը փոխհատուցի իրեն հասցված վնասի դիմաց։ Բացի այդ, նա հայց է ներկայացրել այդքան հանդուգն Իրմայի դեմ, ով համարձակվել է նման հայտարարությամբ հանդես գալ: Սակայն վերջին ամիսներին այդ կնոջը ոչ ոք չի տեսել, և նրա մասին ոչինչ հայտնի չէ։
