Microsoft ընկերության հիմնադիր Բիլ Գեյթսը դուրս է հրավիրվել Բրազիլիայից, որտեղ նա անցկացնում էր իր հանգիստը: Այս մասին France Presse գործակալությանը հայտնել են Բրազիլիայի ոստիկանությունում: Գեյթսի հետ երկրից արտաքսվել են նաև նրա մի քանի ընկերները:
Նրանք բոլորը ձերբակալվել էին Ռիու-Նեգրու գետի վրա նավակով զբոսանքի ժամանակ: Պարզվել է, որ նավակի անձնակազմը չի ունեցել աշխատանքի իրավունք: Թեպետ Բիլ Գեյթսի և նրա ընկերների բոլոր փաստաթղթերը կարգին են եղել, այդուհանդերձ նրանց դուրս են հրավիրել երկրից աշխատուժն անօրինական օգտագործելու համար: Նրանց տվել են երեք օր ժամկետ և տուգանել են:
