Ջուլիանա Հաֆը դարձել է հանդուգն թալանի զոհ: Նրանից գողացել են 100 հզ. դոլարի զարդեր:
Այդ զարդերը Ջուլիանային նվիրել էր նրա ընկերը՝ American Idol շոուի հաղորդավար Ռայան Սիքրեսթը, սակայն անցած ուրբաթ դերասանուհին թողել է դրանք ավտոմեքենայի մեջ և գնացել է ընկերուհուն այցելության: Սպորտային ավտոմեքենան Ջուլիանան կայանել է բնակելի շենքի մոտ, իսկ երբ վերադարձել է, տեսել է, որ բոլոր դռները բաց են, իսկ զարդերն անհետացել են:
Ընդ որում, հետաքննության տվյալներով, դռների փականները վնասված չեն եղել, այնպես որ, շատ հավանական է՝ աստղն ինքն է մոռացել փակել ավտոմեքենայի դռները:
Հիմա ոստիկանությունը փնտրում է հանցագործներին ու կորած իրերը, իսկ ահա Ջուլիանան պետք է սովորի ավելի զգույշ վարվել թանկարժեք զարդերի հետ:
