Ֆրանսիական ԶԼՄ-ները երկրի նախկին առաջին տիկին Կառլա Բրունի-Սարկոզիին կասկածում են իր նոր ալբոմի երգերից մեկում Օլանդին ծաղրելու մեջ, հայտնում է RIA Novosti-ն:
Բրունիի «Պինգվին» անվանումով երգում պարունակվում են հետևյալ տողերը. «Ոչ սարսափելի, ոչ գեղեցիկ, պինգվին, / Ոչ բարձրահասակ, ոչ ցածրահասակ: Ոչ սառը, ոչ տաք, ոչ այո, ոչ չէ»: Հենց «ոչ այո, ոչ չէ» արտահայտությունն է գրավել լրատվամիջոցների ուշադրությունը, քանի որ ֆրանսիական հասարակության որոշ անդամներ Օլանդին նախընտրական շրջանում անվանում էին «պարոն ոչ այո, ոչ չէ»։
Վերջին մի քանի շաբաթում Կառլա Բրունին սկսել է աստիճանաբար բացահայտել իր նոր՝ թվով չորրորդ երաժշտական ալբոմի բովանդակությունը: Ալբոմի շնորհանդեսը նախատեսված է ապրիլի 1-ին:
Մինևնույն ժամանակ, անձամբ Բրունին հերքում է, որ երգում խոսքն Օլանդի մասին է, հայտնում է Nouvel Observateur-ը:
Բրունիի Little French songs («Ֆրանսիական երգեր») ալբոմի թողարկումը սպասվում էր 2011 թ., սական հետաձգվել էր նախագահական ընտրությունների պատճառով։
