Guns N’ Roses խմբի երկրպագուն դատական հայց է ներկայացրել խմբի վոկալիստ Աքսել Ռոուզի դեմ այն բանի համար, որ վերջինս բարձրախոսով կոտրել է նրա ատամը Ավտրալիայի Պերտ քաղաքում համերգի ժամանակ,- հաղորդում է The West Australian պարբերականը:
39-ամյա Դարեն Ռայթի երկու ատամները վնասվել են այն ժամանակ, երբ Աքսել Ռոուզը սրահ է շպրտել բարձրախոսը, որը դիպել է Ռայթի գլխին: Համերգը, որի ժամանակ տեղի է ունեցել միջադեպը, կայացել է 2013 թ. մարտի 9-ին:
Տուժածի խոսքերով՝ վառ լուսավորությունը խանգարել է տեսնել իր կողմը թռչող բարձրախոսը:
Ռայթը հայտարարել է, որ հայց է ներկայացրել դատարան և, որպես առողջությանը վնաս հասցնելու փոխհատուցում, Աքսել Ռոուզից պահանջում է 5000 ավստրալական դոլար: Ռայթը չի կարծում, թե Աքսելը դիտմամբ ցանկացել է կոտրել իր ատամը, սակայն ինչ-որ մեկը պետք է վճարի դրա համար:
Տեղի ունեցածից հետո Guns N’ Roses տուր-մենեջերը ներողություն է խնդրել Ռայթից խմբի անունից և, որպես փոխհատուցում, առաջարկել է Աքսել Ռոուզի կողմից ստորագրված բարձրախոս, սակայն տուժածը հրաժարվել է:
«Չեմ հասկանում, թե բարձրախոսն ինչպես կարող է բուժել իմ ատամները»,- ասել է նա:
