Toneto.net-ի փոխանցմամբ` լողավազաններում լողալուց հետո ի հայտ եկած հիվանդությունների մեծ մասը կապված են Cryptosporidium մանրէի կործանարար ազդեցության հետ: Այն քլորացված ջրում կարող է ապրել 10 օր և ավելի:
Բայց ինչպե՞ս է այն հայտնվում լողավազանում: Պրոֆիլակտիկ հիվանդությունների ու վերահսկման կենտրոնի (CDC) զեկույցում նշված է, որ այն իրենց հետ լողավազան են բերում փորլուծությունից տառապող հիվանդները: CDC-ը մարդկանց խորհուրդ չի տալիս լողալ փորլուծության ժամանակ, սակայն դժբախտաբար քչերն են հետևում նրա խորհրդին:
Փորլուծությունը միակ բանը չէ, որի մասին պետք է մտահոգվել` լողալով լողավազանում: Չպետք է մոռանալ նաև մեզի մասին: Իրականում հետազոտությունները ցույց են տվել, որ մարդու աչքերը կարմրում են քլորացված ջրում լողալուց հետո ոչ թե նրա համար, որ նրանում առկա է քլոր: Դրանում ավելի շատ մեղավոր է մեզը: Գունավորումը տեղի է ունենում այն բանից հետո, երբ քլորը ռեակցիայի մեջ է մտնում մեզի հետ:
Մասնագետները խորհուրդ են տալիս լողավազանում լողալուց առաջ ավելի ուշադիր լինել նրա արտաքին տեսքի ու ջրի հոտի նկատմամբ: Այն պետք է լինի թափանցիկ և չունենա որևէ հոտ:
