Իվ Սեն Լորանը ծնվել է 1936-ի օգոստոսի 1-ին՝ Ալժիրի Օրան առափնյա քաղաքում, ֆրանսիացի ազնվականների ընտանիքում: Նրա առաջին մոդելները եղել են մանկական տիկնիկները, իսկ հագուստները նա կարել է՝ ոգեշնչվելով արևելյան շուկաներից։ Այս մասին գրում է Calend-ը:
1955-1957-ին Փարիզում նկարչության դասընթացների հաճախելուց հետո Լորանը Քրիստիան Դիորի հրավերով աշխատել է որպես նրա ասիստենտ: 21 տարեկանում՝ տնօրենի անսպասելի մահվանից հետո, նա դարձել է «Դիոր» ապրանքանիշի գեղարվեստական տնօրենը: Նա ստացել է Դիորի կայսրության ժառանգությունը, իսկ հետո ստեղծել սեփական ոճը։
1958-ին Սեն Լորանը թողարկել է իր սեփական «Տրապեցիա» հավաքածուն: 1961-ին նա Բերժեի հետ միասին բացում է սեփական նորաձևության տունը:
Իվ Սեն Լորանը մահացել է 2008-ի հունիսի 1-ին՝ գլխուղեղի քաղցկեղից:
