sunny7.ua-ն առաջարկում է 10 սննդամթերք առողջ մաշկի և դեմքի հրաշալի գույնի համար:
Ջուր խմեք
Թեև ջուրը մաշկը ներսից չի խոնավացնում՝ արյունատար համակարգին հնարավորություն է տալիս օպտիմալ աշխատել: Դա մաշկը պահպանում է փայլուն և վարդագույն: Աշխատեք օրական 8 բաժակ ջուր խմել:
Մրգեր
Մրգերը հզոր հակաօքսիդանտներ են պարունակում, որոնք օգնում են պայքարել շրջակա միջավայրի աղտոտվածության և սթրեսի դեմ: Դա կօգնի մաշկը թարմ պահել:
Օգտակար ճարպեր
Մոռացեք անճարպ դիետաների մասին. սննդակարգում ճարպերի բացակայությունը կարող է առաջացնել մաշկի գրգռվածություն, չորություն, քոր: Օգտագործեք առողջ ճարպեր, որոնք կան, օրինակ, ձիթապտղի ձեթում, յուղոտ ձկան, նուշի մեջ:
Հրաժարվեք կոֆեինից
Խուսափեք կոֆեինի ավելցուկից: Կոֆեինը գործում է որպես միզամուղ միջոց, օրգանիզմից հանում է ջուրը, ջրազրկում է մաշկը:
Նարնջագույն մրգեր
Օրգանիզմում մեծացրեք բետա-կարոտինի պարունակությունը, որն օգնում է մաշկը պաշտպանել արևից: Օգտագործեք գազար կամ նարնջագույն դդում միջուկով:
Հանքային նյութեր
Ավելացրեք սելենի օգտագործումը: Այդ հանքանյութը մաշկին օգնում է պահպանել էլաստիկությունը, մաշկը պաշտպանում է արևի վնասակար ազդեցությունից: Սելեն պարունակվում է ամբողջական ձավարեղենում, ձվի, սխտորի մեջ:
Վիտամին Е
Կնճիռների դեմ պայքարեք վիտամին Е-ի միջոցով: Ապացուցված է, որ այդ վիտամինը նվազեցնում է կնճիռները, լավացնում մաշկի հյուսվածքների վիճակը: Աշխատեք օրական 400 մգ օգտագործել:
Սահմանափակեք ալկոհոլի օգտագործումը
Ալկոհոլը լայնացնում է արյունատար անոթները, արյունը լցվում է մաշկի մոտ՝ ժամանակի ընթացքում մաշկի տեսքը կարող է վատանալ: Բացի դրանից, ալկոհոլը ջրազրկում է օրգանիզմը՝ առաջացնելով չորություն, կորչում է փայլը:
Սահմանափակեք կալորիաների օգտագործումը
Թեև ավելորդ կալորիաները միանգամից չեն կարող ազդել մաշկի վրա՝ դրանց չափազանց մեծ քանակը կարող է հանգեցնել գիրացման, ինչը կհանգեցնի մաշկի գերձգման:
Վիտամին С
Վիտամին С-ն հակատարիքային քսուքների բաղադրիչ է, այն գործում է նաև օրգանիզմի ներսում՝ այն պաշտպանելով արևի ճառագայթներից և ազատ ռադիկալներից: Վիտամին С-ն պարունակվում է ցիտրուսային մրգերում, լոլիկի, սպանախի մեջ:
