Չինաստանի փոխնախագահ Սի Ցզինպինը հինգշաբթի կայացած Ժողովրդական ներկայացուցիչների համաչինական ժողովի 12-րդ գումարման նստաշրջանի քվեարկության արդյունքներով ընտրվել Չինաստանի Կենտրոնական ռազմական խորհրդի նախագահ,- հաղորդում է RIA Novosti-ն:
Նստաշրջանի պատվիրակների քվեարկության արդյունքներով, Սի Ցզինպինը, որը մինչև հիմա զբաղեցնում էր երկրի փոխնախագահի պաշտոնը, ընտրվել է Չինաստանի նախագահ և Կենտրոնական ռազմական խորհրդի նախագահ:
Այս պաշտոններում փոխարինելով Հու Ձինտաոյին՝ նա զբաղեցրել է Չինաստանի ղեկավար բոլոր պաշտոնները՝ իր ձեռքերում միավորելով կուսակցական, պետական և ռազմական ղեկավարությունը:
Չինաստանի կենտրոնական ռազմական խորհուրդը Չինաստանի ժողովրդական ազատագրական բանակի և Ժողովրդական զինված ոստիկանության կառավարման գերագույն մարմինն է, հիմնվել է 1982 թ.:
Ժողովրդական ներկայացուցիչների համաչինական ժողովի ներկայիս նստաշրջանը անցկացվում է Պեկինում և տևելու է մինչև մարտի 17-ը:
