Հնդկաստանի խոշոր պետական բանկը 1,7 միլիոն ռեզյումե է ստացել աշխատանք փնտրողներից, ովքեր ցանկանում են զբաղեցնել 1.5 հազար թափուր աշխատատեղերից մեկը: Բանկի ղեկավարություն խոստացել է քննարկել բոլոր թեկնածուների հայտարարությունները:
Բանկի նախագահ Պրատվիա Չաուդխուրիի խոսքերով, այսպիսի հետաքրքրությունը հեշտ է բացատրել: Գործատուն լավ պայմաններ է առաջարկում, կայուն աշխատավարձ, սոցիալական փաթեթ և բնակարանի ծախսերի մի մասի փոխհատուցում: Այս մասին մանրամասն տեղեկատվություն է ներառում թափուր տեղի նկարագրությունը, որն էլ հետաքրքրել է բազմաթիվ մարդկանց: Ընդ որում, թեկնածուների վերաբերյալ պահանջները նվազագույն են եղել, քանի որ բանկին հարկավոր են սկզբնական մակարդակի աշխատակիցներ:
AFP-ի տեղեկատվության համաձայն, վերջին կես տարում Հնդկաստանի մասնավոր սեկտորում թափուր աշխատատեղերի թիվը զգալիորեն կրճատվել է: Վերջին տասը տարիներին այս ցուցանիշը հասել է ռեկորդային մակարդակի: Դա բացատրվում է գործարարության նկատմամբ վստահության անկմամբ և բարձր տոկոսադրույքներով:
Հնդկաստանի վարչապետ Մանմոհան Սինգհի կարծիքով, գործազրկության խնդիրը հնարավոր կլինի լուծել միայն այն դեպքում, երբ տնտեսական աճը տարեկան նվազագույնը 8% կազմի:
