Disney.com կայքում տեղադրված է Միկի Մաուսի մասին կարճամետրաժ նոր մուլտֆիլմերի առաջին մասը:
Կարճամետրաժ մուլտֆիլմը կոչվում է «Croissant de Triomphe»: Այն պատմում է, թե ինչպես է սրճարանում, որտեղ աշխատում է Միկի Մաուսը, վերջանում թխվածքը: Կրուասանները սրճարան հասցնելու համար Միկի Մաուսը ստիպված մոտոցիկլով հասնում է Փարիզ:
«Croissant de Triomphe»-ը 19 մուլտֆիլմերից մեկն է, որը Դիսնեյը ծրագրավորում է ցուցադրել համացանցում և հեռուստատեսությամբ 2013 թ. հուլիսից սկսած: Մնացած մասերի դեպքերը կզարգանան Նյու Յորքում, Տոկիոյում, Վենետիկում, Պեկինում և աշխարհի այլ տարածաշրջաններում: Բացի Միկի և Մինի Մաուսներից, մուլտֆիլմերի հերոսներ կդառնան Գուֆին, Պլուտոն, Դոնալդ Դակը և Դեյզի Դակը:
Միկի Մաուսի մասնակցությամբ առաջին ժապավենը լույս է տեսել 1928 թ.: Այնուհետև այն հայտնվել է տասնյակ կարճամետրաժ և մի քանի լիամետրաժ ֆիլմերում: Վերջին տարիներին Միկին բավական հազվադեպ է հանդիպում Դիսնեյի ֆիլմերում:
