Ռուսաստանի Պրեմիեր լիգայի ընթացիկ մրցաշրջանի երկրորդ տուրում Մոսկվայի «Սպարտակ»-ը 1։0 հաշվով առավելության է հասել «Կրասնոդար»-ի նկատմամբ։ Միակ ու հաղթական գոլի հեղինակ Յուրա Մովսիսյանը պատասխանել է ակումբի պաշտոնական կայքի հարցերին։
-«Սպարտակ»-ն առաջին հաղթանակը տոնեց ընթացիկ առաջնությունում։ Ի՞նչ տպավորություններ ունեք։
–Հիանալի է, որ հաղթել ենք, ընդ որում՝ հաղթել ենք «Կրասնոդար»-ի պես ուժեղ թիմի։ Բավականություն ենք ստանում խաղից, ցուցադրում լավ ֆուտբոլ։ Իհարկե, դեռ վաղ է հետևություններ անել, բայց առայժմ ամեն ինչ լավ է։
-Շոգը շա՞տ էր խանգարում խաղի ժամանակ։
-Այո, դժվար էր։ Բայց երկու թիմերն էլ խաղում էին միևնույն պայմաններում։
-Ձեզ հաջողվեց գեղեցիկ գոլ խփել։ Ամենաարագը կողմնորոշվեցիք մրցակցի դարպասի մոտ․․․
-Ամեն ինչ շատ արագ կատարվեց։ Գիտեք, Շիրոկովի պես խաղացողը տեսնում է ամբողջ խաղադաշտն ու կարդում է խաղը։ Ռոման ինձ գերազանց փոխանցում կատարեց։ Պետք էր միայն ժամանակին արձագանքել ու գնդակն ուղարկել դարպասը։ Գոլը չտոնեցի, քանի որ «Կրասնոդար»-ն իմ առաջին ռուսական ակումբն է, որի հետ կապված լավ հիշողություններ ունեմ։
–Լրացուցիչ մարզվում եք նույնիսկ հանգստյան օրերին։ Երեկվա խաղին օգնե՞ց նման ծրագրով մարզվելը։
–Այո։ Տևական ժամանակ չէի կարողանում դուրս գալ խաղադաշտ։ Ինձ հետապնդում էին վնասվածքները։ Մարզվում եմ լրացուցիչ, որպեսզի բարելավեմ խաղս։
–Դմիտրի Ալեյնիչևի, Դմիտրի Անանկոյի ու Եգոր Տիտովի՝ թիմի մինալուց հետո սպարտակյան ոգու վերադարձ զգու՞մ եք։
–Միանշանակ։ Նրանք երկար ժամանակ հաջողությամբ հանդես են եկել «Սպարտակ»-ում և նվիրված են եղել թիմին։ Կարծում եմ՝ ճիշտ ուղու վրա ենք։
