Անցած տարի Հայաստանից արտահոսել է 292 մլն 249 հազար դոլար: Սա, ըստ Կենտրոնական բանկի հրապարակած տվյալների, ՀՀ բանկային համակարգի միջոցով հանրապետությունից ֆինանսական արտահոսքն է:
Նշենք, որ օտարերկրյա ներդրումները ՀՀ տնտեսության իրական հատվածում 2012թ. հունվար-սեպտեմբերին կազմել են 391.1 մլն դոլար:
Փաստորեն, մինչ կառավարությունը «օր ու գիշեր ջանք չի խնայում» մեր երկրի գործարար միջավայրը բարելավելու համար, որպեսզի ներդրումներ ներգրավի, պարզվում է՝ «ազատ» միջոցներն այնքան շատ են, որ չեն հասցնում «իրացվել» մեր երկրում: Եվ սա միայն պաշտոնական տվյալներով գրանցված արտահոսքն է, իսկ թե ինչքան միլիոններ կամ միլիարդներ են ճամպրուկներով դուրս տարվում հանրապետությունից, դա հաշվել հնարավոր չէ: Ստացվում է, որ կառավարությունը «կծիկի ճիշտ ծայրը չի բռնել»:
