Լիբիայի հարցում դրսևորված Պուտին-Մեդվեդև հակադրությունը այժմ էլ վերածվել է ներքաղաքական հակադրության` կապված առաջիկայում Ռուսաստանում կայանալիք նախագահական ընտրությունների հետ:
Ռազմավարական և ազգային հետազոտությունների հայկական կենտրոնի ղեկավար Մանվել Սարգսյանը «Առաջին լրատվական»-ի հետ զրույցում նշեց, որ ինքն այնքան էլ չի հավատում, թե Պուտինի և Մեդվեդևի միջև հակասություններ կան:
«Նրանք ուժեղ քաղաքական գործիչներ են և «երկու ձեռք» են խաղում, քանզի այդ երկրում այլ կերպ շատ դժվար է որևէ բան անել»,- ընդգծեց Սարգսյանը:
Սարգսյանի գնահատմամբ, Ռուսաստանում այս կամ այն ներքաղաքական փոփոխությունը անպայմանորեն կազդի Հայաստանի վրա, բայց թե ինչ ուղղությամբ, փորձագետի կարծիքով, դեռևս դժվար է ասել:
«Ինչքան ուժեղ է Ռուսաստանի քաղաքականության կայսերական վեկտորը, այնքան վատ մեզ համար»,- եզրակացրեց Մանվել Սարգսյանը:
