Ադրբեջանական Turan լրատվական գործակալության փոխանցմամբ՝ Ադրբեջանի նախագահ Իլհամ Ալիևն այսօր ընդունել է ԵԱՀԿ Մինսկի խմբի համանախագահներ Ջեյմս Ուորլիքին (ԱՄՆ), Իգոր Պոպովին (Ռուսաստան), Պիեր Անդրիեին (Ֆրանսիա), ինչպես նաև ԵԱՀԿ գործող նախագահի անձնական ներկայացուցիչ Անջեյ Կասպրշիկին։
Այս մասին հայտնել է Ադրբեջանի նախագահի մամլո ծառայությունը, որի հաղորդմամբ՝ հանդիպման ժամանակ քննարկվել են Ղարաբաղյան հակամարտության կարգավորման ընթացիկ վիճակն ու կարգավորման հեռանկարները։ Սրանից առաջ էլ համանախագահներն այցելել էին Երևան։
Ավելի վաղ համանախագահները հայտարարել էին, որ պատրաստում են Հայաստանի ու Ադրբեջանի նախագահների հանդիպում, որը պետք է տեղի ունենա մինչև տարեվերջ։
