Ավստրացի ռեժիսոր Բազ Լուրմանի «Մեծն Գեթսբին», որտեղ գլխավոր դերում նկարահանվել է հոլիվուդյան աստղ Լեոնարդո Դի Կապրիոն, կբացի Կաննի 66-րդ կինոփառատոնը: Այս մասին հայտնում է RIA Novosti-ն՝ հղում անելով կինոֆորումի պաշտոնական կայքին:
Ֆրենսիս Սքոթ Ֆիցջերալդի նույնանուն վեպի էկրանավորումը ցուցադրվելու է 3D ձևաչափով մայիսի 15-ին՝ փառատոնի բացման օրը:
Ինչպես նկատում են կազմակերպիչները, դա կլինի փառատոնը 3D-ձևաչափով բացող երկրորդ ժապավենը՝ առաջինը եղել է «Վերև» մուլտիպլիկացիոն ֆիլմը 2009 թ.:
Հաղորդվում է, որ «Մեծն Գեթսբին» ցուցադրվելու է մրցույթից դուրս:
Ավելի վաղ հաղորդվում էր, որ ֆիլմը, որում, բացի Դի Կապրիոյից, նկարահանվել է նաև Թոբի Մագուայրը, էկրան դուրս պետք է գար 2012 թ. դեկտեմբերն ու մասնակցեր «Օսկարի» համար պայքարին, սակայն այնուհետ ֆիլմի համաշխարհային պրեմիերան տեղափոխվեց այս տարվա մայիսին:
