Ըստ տեղական ուսումնական հաստատությունների ամենամյա դասակարգման, որը հրատարակվել է Il Sole 24 Ore թերթում, Իտալիայի լավագույն համալսարանները ճանաչվել են Վերոնայի համալսարանը` պետականների մեջ, և Միլանի Բոկկոնի համալսարանը՝ մասնավորների:
Վերոնան առաջին տեղն է գրավել ուսանողների գերազանց առաջադիմության, Իտալիայի ձեռնարկություններում պրակտիկա անցկացնելու հնարավորության և շրջանավարտների աշխատանքով ապահովության բարձր տոկոսի շնորհիվ:
Բոկկոնիի համալսարանը առանձնացել է լավ դասախոսական կազմով: Ուսանողների 93 %-ը չի փոխել ընտրած դասախոսին: Միաժամանակ այդ հաստատության ուսանողները միջազգային պրակտիկա ձեռք բերելու լայն հնարավորություն ունեն:
Ընդամենը դասակարգվել են 76 կրթական հաստատություններ, որոնց մեջ ամենացածր միավորներ են հավաքել Նեապոլի Պարտենոպե և Էննա Կորե համալսարանները:
