Ռուսական RIA Novosti լրատվական գործակալության փոխանցմամբ՝ շերտավոր մանգուստների էգերը հաճախ դառնում են «ջուլիետաներ»՝ իրենց ընկեր ընտրելով թշնամական խումբ ներկայացնող «ռոմեոյին»։
Նման ընտրությունը կարող է պայմանավորված լինել առողջ սերունդ ստանալու կենդանու ձգտմամբ։ Այդպիսի կարծիք է հայտնել գիտնականների միջազգային խումբը, որը մանգուստների սոցիալական կապերի մասին հետազոտության արդյունքները հրապարակել է Behavioral Ecology հանդեսում։
Գիտնականները պարզել են, որ փոքրասիական շերտավոր մանգուստի էգերը հաճախ են ռիսկի ենթարկում իրենց կյանքը՝ բեղմնավորվելու համար մրցակցող խմբի արուներից մեկի հետ, ինչը տեղի է ունենում երկու խմբերի միջև ագրեսիվ բախումների ֆոնին։ Հետազոտողները պարզել են, որ մանգուստի ձագերի մոտ 18 տոկոսը բաժին է ընկնում նման միությունների։
