Լեսբուհի Քրիստինա Քուինը Նյու Յորքի քաղաքապետի պաշտոնում Դեմոկրատական կուսակցության կողմից առաջադրված ամենահավանական թեկնածուն է։ Այս մասին գրում է The Huffington Post-ը: Եթե դա տեղի ունենա, ապա նա կդառնա ոչ միայն Նյու Յորքի առաջին կին-քաղաքապետը, այլև այդ քաղաքի ոչ ավանդական կողմնորոշում ունեցող առաջին քաղաքապետը:
Ավելի վաղ Քուինը,լինելով Նյու Յորքի քաղաքական խորհրդի խոսնակի պաշտոնում, առաջին կինն էր, որ հայտարարել էր իր ոչ ավանդական կողմնորոշման մասին:
«Ես դնում եմ իմ թեկնածությունը, քանի որ սիրում եմ այս քաղաքը: Սա աշխարհի լավագույն վայրն է: Ես դնում եմ այսօր իմ թեկնածությունը, և իմ գործունեության դաշտում նոր ռեկորդ կսահմանեմ: Բյուջեն ժամանակին կբալանսավորվի»,- հայտարարել է Քուինը:
Նա արդեն հանդիպում է անցկացրել Վերին Մանհեթենի բնակիչների հետ, ովքեր նրան դիմավորել են «Քրիստինա Քուինը՝ քաղաքապետ» կարգախոսներով:
Նյու Յորքում միասեռ ամուսնությունների օրինականացումից հետո Քրիստինա Քուինը ամուսնացել էր փաստաբան Քիմ Քաթուլոյի հետ։ Նրանք միասին ապրում են ավելի քան 10 տարի։