Չինաստանը կուժեղացնի վերահսկողությունը ծնելիության բնագավառում և չի հրաժարվի «մեկ ընտանիք՝ մեկ երեխա» քաղաքականությունից՝ հայտարարել է իշխանությունների ներկայացուցիչ Վան Ֆենը:
Կիրակի ժողովրդական ներկայացուցիչների համաչինական համագումարի ժամանակ ներկայացվել է հանրապետության պետխորհրդի բարեփոխումների նախագիծ, որը նախատեսում է նրա մեջ մտնող վարչությունների կրճատում:
«Մեկ ընտանիք՝ մեկ երեխա» քաղաքականությունը Չինաստանում իրականացվում է 1980 թվականից երկրի բնակչության թվի վերահսկման համար: Ներկա դրությամբ չինական որոշ քաղաքներում թույլ է տրվում երկրորդ երեխա ունենալ, եթե ծնողներից երկուսը ընտանիքի միակ զավակներն են: Որոշ բնակավայրերում թույլ է տրվում երկրորդ երեխա ունենալ, եթե առաջին երեխան աղջիկ է: Դրա հետ մեկտեղ, նույնիսկ եթե ոմանք երկրորդ երեխա ունենալու իրավունք ունեն, պետք է մի շարք բյուրոկրատական փուլեր անցնեն, որպեսզի ստանան դրա պաշտոնական թույլտվությունը:
Ժողովրդագրական քաղաքականության կանոնները խախտողների համար բարձր տուգանք է նախատեսվում: Ամեն օր հայտնի է դառնում, որ տեղի պաշտոնյաները ստիպում են կանանց արհեստական վիժում կատարել՝ նույնիսկ հղիության ուշ ամիսների ժամանակ: Գործող օրենքը շրջանցելու միակ հնարավորությունը՝ երեխային արտերկրում ունենալն է, ինչին դիմում են չինական ապահովված ընտանիքները:
