Իսպանիայում 16 մլն եվրոյով վաճառվում է ամենահանելուկային տունը, հայտնում է news.rambler.ru-ն:
Շշուկների համաձայն՝ 200 տարի Կորտիխո Խուրադոն (այդպես է կոչվում առանձնատունը) սարսափելի հանցագործությունների վկա է եղել:
Նեոգոթական անգլիական ոճի մեծ առանձնատունը կառուցվել է Մալագայի արվարձանում 1830 և 1840 թթ. միջև: Լեգենդներն այդ տան հետ XIX դարի վերջին- դարի սկզբին կանանց խորհրդավոր անհետացումների շարք են կապում: Նրանց մարմինները հայտնաբերել են կտտանքների և սատանայական ծեսերի հետքերով, սպանությունների համար մեղադրել են Կորտիխո Խուրադոյի տերերին:
Ժամանակի ընթացքում լեգենդն աճել է: Մարդիկ խոսել են և´ տարօրինակ ձայների, և´ աղիողորմ հառաչանքների մասին, որոնք տնից լսվել են գիշերները: Ասում են, որ առանձնատան նկուղներում հայտնաբերվել են խորհրդավոր հին ձեռագրեր «Մղձավանջը կգա: Բոլորը կմեռնեն» գրությամբ:
Հետագա տասնամյակներին առանձնատունը ձեռքից ձեռք է անցել և արդյունքում հայտնվել է լքված և գործնականում քանդված վիճակում:
2004 թ. սկսվել է «անիծված տունը» 200-համարանոց հյուրանոցի վերածելու նախագիծը: Սակայն վերակառուցումը նախաձեռնած ընկերությունը շուտով սնանկացել է, և շինարարությունը դադարեցվել է:
