VladTime-ի փոխանցմամբ՝ ամերիկացի բժիշկները լաբորատորիայում սինթեզել են այնպիսի պրեպարատ, որն ունակ է ռեկորդային՝ 24 ժամում պայքարել ընկճախտի դեմ։ Դեղամիջոցը հաջողությամբ փորձարկվել է կենդանիների վրա։ Այժմ այն պետք է փորձարկվի կամավորների վրա։
Փորձարկման ժամանակ առնետներին արհեստականորեն հասցրել են ընկճախտի վիճակի, ինչից հետո նրանց տվել նոր դեղորայքը։ Արդյունքները ցնցող են եղել. հիվանդության ախտանիշները չքացել են 24 ժամում։ Սակայն դա ունի նաև իր վնասակար կողմը՝ մարդը կարող է սովորել դրան։
Գիտնականները հայտարարել են, որ կլինիկական հաջող փորձարկումների դեպքում նոր հակադեպրեսանտը կարող է փոխարինել ներկայիս դեղամիջոցներին, որոնց բուժման կուրսը մոտ 3-4 ամիս է։
