Կանայք, որոնք ամռանը դեռ ձմեռային օծանելիք են օգտագործում, հաճելի բույրի փոխարեն՝ տհաճ հոտ են ստանում։ Այս մասին հայտնում է medinfo.ua-ն: Ձմռանն այնքան հաճելի օծանելիքներն ամռանը բարձր ջերմաստիճանի ազդեցությամբ վերածվում են կպչուն, ոչ հաճելի և խեղդող հոտի:
Ամռանը պետք է օգտագործել ամառային թարմ օծանելիք կամ մարմնի բուրավետ լոսյոններ: Վերջինս շատ հարմար է, քանի որ բացի նուրբ բույրից՝ խոնավեցնում է մաշկն ու դրան տալիս թեթև մարգարտի փայլ. պետք է միայն ճիշտ ընտրություն կատարել:
Շոգ ամիսներին խորհուրդ չի տրվում նաև տոնային քսուք օգտագործել: Այս դեպքում գործում է նույն կանոնը՝ այն օգտագործել միայն աշնանն ու ձմռանը: Ամռանը տոնային միջոցները դեմքը վերածում են դիմակի: Այն փակում է ծակոտիները՝ մաշկին թույլ չտալով շնչել: Մաշկը քրտնում է, տոնն անհավասար շերտերով է քսվում, և որպես հետևանք՝ ստացվում է ոչ գեղեցիկ պատկեր:
Ուստի դեմքին պետք է քսել միայն դիմափոշի կամ օգտվել թեթև երանգային էֆեկտով կիսաթափանցիկ միջոցներից: Եթե դիմափոշի չկա, տոնային քսուքը խառնեք խոնավեցնող քսուքին, այդ դեպքում այն ավելի հավասար «կնստի»:
Ամռանը խիտ և յուղոտ շրթներկ օգտագործելով՝ չպետք է հուսալ, որ գծաներկը թույլ չի դրան լղոզվել: Նույնիսկ եթե այն չլղոզվի, շրթներկը կլղոզվի շուրթերի անկյուններում և տհաճ հետքեր կթողնի. օգտագործեք փայլ, իսկ շրթներկը թող մնա աշնանը:
