Երկու վոկալիստ, որոնց ձայնը օգտագործվել է Harlem Shake թրեքում, երգի հեղինակ Baauer-ին մեղադրել են գրագողության մեջ: Այս մասին հայտնում է The New York Times-ը:
Գողության մասին հայտարարել է պուերտոռիկացի կատարող Հեկտոր Դելգադոն, որի վոկալը հնչում է երգի սկզբում, և ամերիկացի ռեփեր Ջեյսոն Մուսոնը, որն արտասանում է do the Harlem Shake արտահայտությունը:
Նրանց խոսքով՝ Baauer-ը իրենց ձայները «վերցրել է» առանց թույլտվության: Բացի այդ՝ էլեկտրոնային երաժիշտը հրաժարվել է վոկալիստներին վճարել նրանց հասանելիք գումարը:
Դոլգադոն ու Մուսոնը դատի էին տվել Mad Decent Records լեյբլին, որը թողարկել է Harlem Shake-ը: Ընդ որում՝ Մուսոնը հայտարարել է, որ ոչ մի անձնական խնդիր չունի Baauer-ի հետ: Գումարի մասին չի հրապարակվում:
Ինչպես նկատում է թերթը, փոքրիկ ամերիկյան լեյբլները սովորաբար պայմանավորվում են էլեկտրոնային երաժշտության հեղինակների հետ, ոպեսզի նրանք օգտագործեն միայն անվճար կամ արդեն գնված սեմփլներ: Հաճախ այդ պայմանավորվածությունները գրանցվում են երաժիշտների պայմանագրերում:
Երաժիշտ Հարրի Ռոդրիգեսի կոմպոզիցիան, որը հանդես է գալիս Baauer կեղծանվամբ, հայտնի դարձավ 2013թ. փետրվարին:
Բացի այն, որ թրեքը գլխավորել է Ավստրալիայի ու Նոր Զելանդիայի չարթերը, այն գլխավորել է նաև Մեծ Բրիտանիայի ամենահայտնի էլեկտրոնային թրեքերի ցուցակը:
