Թուրքիայի վարչապետի պարտականությունները կատարող Ահմեդ Դավութօղլուն Իդ ալ-Ֆիթր տոնի առիթով հանդես է եկել ճառով: Խոսքի մեջ քաղաքական գործիչը խոստացել է վերականգնել օսմանյան կարգը:
Այն բանից հետո, երբ կողմնակիցների խումբը սկսել է աղաղակել «Ահմեդ- հաքա, վերադարձրու մեզ Օսմանյան կայսրությունը», Դավութօղլուն հայտարարել է. «Ալլահի կամքով մենք կվերադարձնենք օսմանյան օրենքն ու արդարությունը ոչ միայն հիմա, այլ նաև հետագա ժամանակների համար»:
Կուսակցության գրասենյակում տեղի ունեցած ելույթը վերաբերում էր նոր կաբինետի ձևավորման հեռանկաներին: Կուսակցությանն անհրաժեշտ է գտնել գործընկերներ կոալիցիայի համար, որովհետև 2002-ից սկսած առաջին անգամ նա զրկվել է խորհրդարանական մեծամասնություն լինելուց:
