«Մանչեսթեր Յունայթեդ»-ի գլխավոր մարզիչ Լուի վան Գալը մեկնաբանել է իր թիմի անհաջող խաղն «Ամերիկա»-ի հետ մրցավեճում (1:0)` միջազգային ընկերական մրցաշարի շրջանակներում:
Վան Գալն անհաջող խաղը պայմանավորել էր խոտածածկի վատ որակով: Խաղից 2 օր առաջ մարզադաշտում տեղի է ունեցել հանրահայտ One Direction խմբի համերգը:
«Խոտածածկը շատ վատն էր: Այդտեղ խաղալը շատ բարդ էր: Խոտածածկի վրա արհեստական ծածկույթ էր, որի վրա կար բնական խոտածածկ: Նման խաղադաշտում դժվար է խաղալ: Վնասվածքի հավանականությունը մեծ է:
«Յունայթեդ»-ի մարզադաշտը միայն ֆուտբոլի համար է, ոչ թե One Direction-ի համերգների: Բայց ԱՄՆ-ում ամեն ինչ այլ է»,- Վան Գալի խոսքերը մեջբերում է Goal.com-ը:
