Նոր Զելանդիայում Զորո մականունը կրող երկու ամսական խոզուկն ամեն առավոտ իր տիրոջ հետ զբաղվում է սերֆինգով:
Տե Պյուկ քաղաքի բնակիչ Մեթյու Բելը խոզուկին իր հետ լողափ է տարել այն ժամանակ, երբ վերջինս եղել է երեք շաբաթական՝ գրում է տեղի Stuff պարբերականը:
Բելի ընտանիքում խոզն արդեն չորրորդն է:
«Մենք միշտ խոզ պահել ենք, ու ես միշտ ցանկանում էի սերֆի վրա սահել խոզուկի հետ»,- ասել է Բելը:
Նրա սիրելին մինի պիգն է՝ սովորական խոզի ու կուն-կուն տեսակի խառնուրդը:
Խոզը միշտ չէ, որ կարողանում է երկար պահել իրեն տախտակի վրա, սակայն հոգատար տերը միշտ պատրաստ է օգնել սիրելի կենդանուն:
Հարկ է նշել, որ կենդանին առանձնապես դժվարությունների առջև չի կանգնում ջուրն ընկնելիս: Կենդանին լավ լողում է:
