ԱՄՆ-ի և Մեքսիկայի սահմանի երկայնքով անմատչելի պատ կառուցելու Դոնալդ Թրամփի առաջարկը համարվում է անիրական և կարժենա միլիարդավոր դոլարներ: Այդ մասին հայտարարել են մի շարք նախկին և ներկա պաշտոնյաներ, գրում է The Washington Post-ը:
Իր նախագահական քարոզարշավի նախօրյակին հանրապետական Թրամփը մի քանի վերամբարձ հայտարարություններ է արել, այդ թվում՝ մեքսիկացի ներգաղթյալների նկատմամբ արգելք սահմանելու վերաբերյալ:
«Պարիսպ կառուցելը հեշտ է և կարող է լինել բավականին էժան նախագիծ: Այն նույնիսկ բարդ չէ, եթե գիտեք, թե ինչ եք անում»,- ասել է նա հարցազրույցի ժամանակ:
Սակայն այդ ծրագիրն ունի շատ խոչընդոտող հանգամանքներ,այդ թվում՝ էկոլոգիական և ինժեներական խնդիրներ. օրինակ՝ մասնավոր ռանչոների տերերը չեն ցանկանա վաճառել իրենց հողը, բացի այդ՝ տեղանքը բարդ ռելիեֆ ունի՝ անցնում է Արիզոնայի անապատով, Նյու Մեքսիկոյի ժառյոտ լեռներով, ինչպես նաև բազմաթիվ գետեր են հատում սահմանը:
Փորձագետների և պաշտոնյաների կարծիքով՝ նույնիսկ եթե այդպիսի պատնեշ կառուցվի, դժվար թե 1954 մղոն երկարությամբ պարիսպը լինի անմատչելի: ԱՄՆ իշխանությունները առանց այն էլ տարեկան միլիոնավոր դոլարներ են ծախսում եղած պարիսպը պահպանելու համար, սակայն միևնույն է՝ թմրավաճառները և մաքսանենգները հաճախակի դրա տակով թունելներ են փորում և անցնում ԱՄՆ:
