Իսրայելի վարչապետ Բենիամին Նեթանյահուն զանգահարել է Պաղեստինի նախագահ Մահմուդ Աբասին: Այս մասին գրում է The New York Times-ը:
Նշվում է, որ դա ավելի քան մեկ տարվա մեջ երկու առաջնորդների առաջին հեռախոսային խոսակցությունն է:
Նեթանյահուի գրասենյակի տարածած հայտարարության մեջ ասվում է, որ վարչապետը Աբասի հետ զրույցի ընթացքում ասել է՝ «Իսրայելի քաղաքացիները խաղաղություն են ուզում», և «Իսրայելը կշարունակի ձգտել տարածաշրջանում կայունության»:
Իր հերթին, Պաղեստինի ղեկավարն ընդգծել է մինչև տարվա վերջ խաղաղության համաձայնագրի կնքման կարևորությունը:
