Երեկ ամբողջ համացանցը քննարկում էր Քեյթլին Ջենների ելույթը ESPY Awards հեղինակավոր սպորտային մրցանակի հանձնման արարողության ժամանակ և նրա հագուստը, որի հեղինակը Ջոլիի շատ կերպարների հեղինակ Ջեն Ռեյդն է, իսկ այսօր մամուլը նրա զգեստը համեմատում է Անջելինա Ջոլիի հագուստի հետ: Այս մասին հայտնում է spletnik.ru-ն:
Նշվում է, որ Քեյթլինի զգեստը նմանեցված է եղել Ջոլլի զգեստին, որը նա կրել է 2010 թ. «Զբոսաշրջիկը» ֆիլմի նյույորքյան պրեմիերայի ժամանակ: Այն ժամանակ դերասանուհին կրել է Versace-ի մարմնագույն զգեստ:
Ոճաբանի խոսքով՝ իրենց համար ոգեշնչման աղբյուր է եղել ոչ թե Ջոլիի զգեստը, այլ հին Հոլիվուդի ոճն ու Լորեն Բեքոլի կերպարը:
«Մենք ուզում էինք, որ դա դասական մի բան լիներ, շքեղ, էլեգանտ: Քեյթը հիասքանչ է, նա գեղեցիկ մազեր, շքեղ մարմնակառուցված, երկար ոտքեր ունի»,- ասում է Ռեյդը: Նա նաև նշել է, որ Դոնաթելա Վերսաչեն հիացած է եղել Ջենների համար հագուստ ստեղծելու հնարավորությամբ. «Երբ ես զանգահարեցի Versace, նրանք ասացին, որ ես բառացիորեն կարդացել եմ իրենց մտքերը: Նրանք հենց մտածում էին՝ ում հետ կապվել Քեյթլինի համար զգեստ ստեղծելու համար»:
Անջելինա Ջոլի / Քեյթլին Ջեններ
