ԵՄ-ն պետք է մեծահոգություն դրսևորի և դուրս գրի Հունաստանի պետպարտքը, ինչպես դա արվել է Գերմանիայի հանդեպ 1953 թվականին՝ հայտարարել է Եվրահանձնաժողովի նախկին ղեկավար, Իտալիայի նախկին վարչապետ Ռոմանո Պրոդին։ Այս մասին հայտնում է RIA Novosti-ն։
«Ես միշտ կարծել եմ, որ Հունաստանը երբեք ի վիճակի չի լինի վճարել այդ պարտքը։ 1953 թվականին վճարել չկարողացող Գերմանիայի պարտքի փաստացի դուրսգրումը դարձավ ողջամտության դրսևորում։ Այսօր պահանջվում է նույնպիսի մեծահոգություն»,- ասել է Պրոդին Հռոմում ֆորումի ժամանակ, որը նվիրված է եղել համաշխարհային տնտեսության խնդիրներին։
Քաղաքական գործչի խոսքով՝ հունական պարտքային ճգնաժամի հարցով պայմանավորվածությունները, որոնք ձեռք են բերվել երկուշաբթի եվրոգոտու երկրների առաջնորդների կողմից, միայն կանխել են վատագույնը, սակայն ոչ աղետն ինքնին։ Նա կարծում է, որ աղետն այն է, որ Եվրոպայում գոյություն ունի լարվածություն և ըմբռնման բացակայություն։
«Կա՛մ Եվրոպան կդառնա համախմբման, ուժի, ընդհանուր շահերի վայր, կա՛մ այն ամենը, ինչ մենք արել են անցյալոմ, վատ ավարտ կունենա»,- ընդգծել է Պրոդին։
Նրա խոսքով՝ այժմ ԵՄ-ում առկա է Գերմանիաի ուժեղ առաջնորդություն, և առաջնորդ-երկիրը պետք է ողջամտություն ունենա՝ հաշվի առնելու բոլորի շահերը։
