Մեծ Բրիտանիայում փրկել են գերմանական օվչարկային, որը գոլֆի 6 գնդակ է կերել, հայտնում է The Daily Mirror-ը: Սկզբում շան տերը՝ Դևիդ Լարսոնը, մտածել է, որ իր 7-ամյա շունը՝ Մերֆին, վատ է զգացել կերած ոսկորի պատճառով: Սակայն Նյուքասլի անասնաբույժները շան ստամոքսում օտար օբյեկտներ են հայտնաբերել:
«Ես չէի կարողանում դրան հավատալ,- պատմել է Լարսոնը:- Նա ինձ մոտ է միայն 18 ամիս, և այդ ընթացքում նա երբեք չի դիպել գոլֆի գնդակներին»: Լարսոնը ենթադրել է, որ գնդակները վաղուց են եղել Մերֆիի ստամոքսում:
Ներկայումս շունը վերականգնվում է տանը: Լարսոնի խոսքով՝ վիրահատությունից հետո շունը դարձել է ավելի չարաճճի և շատ երջանիկ:
