Ճապոնացի բլոգեր Նավեր Մատոմեն սոցցանցերում մեծ հիացմունք է առաջացրել՝ տեղադրելով ուտեստների լայն տեսականին, որը մատուցում են Ճապոնիայի հիվանդանոցներում: Դրանցում կան այնքան խորտիկներ, որքան չես հանդիպի ամերիկյան ռեստորաններում:
Ամեն օր այցելուները ստանում են ճաշատեսակների ամբողջական ընտրանի, որտեղ ներառված են բրինձ, ձուկ կամ թռչնամիս, սոյայից մթերքներ, բանջարեղեն, միրգ և թեյ: Մթերքների մեծ մասը տեղական են և սեզոնային, ինչը նշանակում է, որ դրանք թարմ են, պահածոյացված կամ սառեցված չեն:
Հաշվի առնելով, որ ուտելիքը մատուցվում է ճապոնական ավանդույթի համաձայն՝ բազմաթիվ փոքրիկ ափսեներով, ինչպես նաև գույների համադրությունը և կոմպոզիցիան՝ կարելի է ասել, որ հիվանդանոցի սովորական ընթրիքը չի տարբերվում սրճարանային ընթրիքից:
Բուժաշխատողների այդպիսի վերաբերմունքը բացատրվում է հիվանդների շուտափույթ ապաքինմանն ուղղված նրանց մտահոգությամբ: Որպեսզի խթանեն հիվանդների ախորժակը, խոհարարները աշխատում են ուտելիքը հնարավորինս գրավիչ դարձնել:
