Նավթի գները համաշխարհային շուկաներում երեքշաբթի ընկնում են նորությունների ֆոնին, որ Իրանը և «վեցյակը» համաձայնության են եկել Իրանի միջուկային ծրագրի վերաբերյալ: Այս մասին հայտնում է Bloomberg-ը:
Լոնդոնի ICE Futures բորսայում մեր ժամանակով 12:18-ի դրությամբ Brent տեսակի նավթի օգոստոսյան մատակարարումների ֆյուչերսային գործարքների գինն ընկել է 1,7%-ով՝ մինչև 57,16 դոլար 1 բարելի դիմաց:
WTI տեսակի նավթի օգոստոսյան մատակարարումների ֆյուչերսային գործարքների գինը Նյու Յորքի NYMEX բորսայում էլեկտրոնային առևտրի ընթացքում նվազել է 1,8%-ով՝ մինչև 51,76 դոլար 1 բարելի դիմաց:
Իրանի և «վեցյակի» ներկայացուցիչները հաջողությամբ ավարտել են միջուկային բազմակողմանի համաձայնագրի աշխատանքը, երեքշաբթի օրը հայտնում են արևմտյան ԶԼՄ-ները՝ հղում անելով իրանական դիվանագիտական աղբյուրներին:
«Ծանր աշխատանքը տվեց իր պտուղները»,- անանունության պայմանով հայտարարել է իրանցի դիվանագետներից մեկը:
Հունիսի սկզբին Իրանի նավթի նախարար Բիջան Նամդար Զանգանեն հայտարարել է, որ Իրանը միջազգային պատժամիջոցների չեղարկումից հետո նավթի արտահանումը կարող է ավելացնել օրական մոտ 1 մլն բարելով:
