Իրաք է մատակարարվել ամերիկյան F-16 կործանիչների խմբաքանակ. ԶԼՄ-ներ

Իրաք է մատակարարվել ամերիկյան արտադրության F-16 կործանիչների խմբաքանակ։ Այս մասին հայտնում է «Ալ-Սումարիա» հեռուստաալիքը։

«Վարչապետ Հեյդար Ալ-Աբադիի վարչակազմը հայտնել է իրաքյան ռազմաօդային ուժերի համար F-16 մարտական ինքնաթիռների խմբաքանակ ստանալու մասին»,- հայտնում է հեռուստաալիքը։

Կործանիչների քանակի մասին տվյալներ չեն հաղորդվում։

Ավելի վաղ հաղորդվել էր, որ ԱՄՆ-ն Իրաքի հետ երկկողմ պայմանագրով մտադիր է իրաքյան օդուժին փոխանցել այդ մոդիֆիկացիայի 36 բազմաֆունկցիոնալ կործանիչներ։